Wednesday, January 16, 2013

再去貓貓茶餐廳

每逢星期六日我們也會步行到大角咀舊區的茶餐廳吃早餐.  雖然是舊區, 早餐的價錢也不便宜, 最普通的"通粉加腸蛋方包跟熱飲"由廿三元起至廿六元 (太興還要廿九元, 太過份了).  去厭了常去的幾間茶餐廳,  想起有一間是有養貓貓的, 便決定再去吃早餐兼探貓貓.

第一次幫襯時見到的貓貓
這隻貓貓最可愛
茶餐廳跟之前一樣沒有變, 只是貓貓由兩隻變了四隻.  一進門口就見到一隻貓餅, 還有三隻貓貓四處逛 (這次只拍到三隻貓貓).

由我們進入茶餐廳到離開也在睡
可愛的貓餅
小花貓變得肥肥白白
應該是新來的一隻小弟
茶餐廳除了有貓貓看/摸/玩之外, 早餐價錢還應該是區內數一數二的經濟 - 上述早餐只是廿一元!  看看餐牌就知道價錢有多抵了 (下午茶餐連飲品最貴都是廿八元).

時光倒流?
有經濟早餐吃, 又有貓看, 雖然離我家遠一點, 我也要多多支持這間茶餐廳.

18 comments:

Cat said...

貓貓肥肥地咁,又可以係枱面打貓餅,店主一定對貓貓唔錯。

largeheadboy said...

低處未見低
早幾日發現到慈雲山有一間 $19 咋
不過無貓貓陪食囉

l.minor said...

你講呢間係咪係大角咀道架?如果係,我估到邊間,有次坐巴士經過,見到有隻貓就好似你張相一樣,係門口玻璃窗前,看街景

l.minor said...

Oh...最尾一張原來你巳經交代咗,應該係呢間,我記得個名係呢個添XD

ayclui said...

Cat:應該係啦, 埋單時我仲乘機摸下件貓餅個頭, 佢都無反應, 訓到好似暈咗咁~^^

大頭:$19 咁反通脹? 要幫襯多D支持下啦~
果兩蚊係貓貓陪食費, 抵比喎~

Minor:就係果間囉, 快D去支持下, 玩下貓仔啦~

naruto said...

我要去我要去我要去我要去我要去我要去我要去我要去,我要地址

naruto said...

妖!原來餐牌雞毑咁大個地址

ayclui said...

哈哈哈哈, 大叔冷靜D, 唔駛妖自己, 你幾時去睇貓貓早D 話我知, 我請你食Tea~
果邊近港灣豪庭D, 唔太近奧運站~

l.minor said...

琴晚行過(只係行過),突登係門口企咗陣,不過呢....只係見到d人行來行去,貓呢...唔知去咗邊...不過原來間野有樓上一層,真係睇佢唔出

ayclui said...

Minor:我通常去食早餐, 唔知你係咪夜晚去, D 貓貓唔喺鋪面. 樓上一層唔似比客人上去, 等我明天去食早餐再check 下~

Cat said...

哎呀!咁近我仲諗住去食茶餐添,原來要食早餐先會見到貓貓。

ayclui said...

Cat: 唔一定o架, minor 都無話佢幾點經過~
派你去食茶餐check 一下, 順便支持下小店丫~
等我呢個星期去跟進一下~

Cat said...

好呀,今個星期去探吓貓貓^o^

ayclui said...

Cat: 去完互通消息啦~ ^^

l.minor said...

琴晚10點坐車經過,見到有隻貓坐係櫈度望出黎,哈哈~

ayclui said...

minor: 喺街外睇邊有入去睇咁正呀~ ^^

l.minor said...

哈哈,要搵個星期六朝早去食下野先

ayclui said...

minor: 好呀, 一齊去支持小店兼睇貓貓~