Sunday, December 16, 2012

大澳閒遊 - 覓食篇

這次去大澳沒有吃太多名物, 原因有二:1) 我們並不是太喜好零食; 2) 有些大澳名物只在假日才開市, 我們星期五去就"摸門釘"了.

我們中午到達大澳, 午餐只是隨便吃了一些小食,  因為知道大澳的酒家晚上很早關門, 晚餐要早一點吃.  沿著大澳街市街行了一小段路, 我們便被"華鎽店"的香味吸引著.  見店子內有空位就不妨一試.  我們點了魚蛋, 豆腐花, 鹽焗鵪鶉蛋和燒蝦乾.  所有食物味道不錯, 豆腐花頗滑, 而最好吃的是燒蝦乾, 鹹鹹香香, 令人吃不停口 (可惜, 翌日早上想再買來吃但食店換了賣早餐, 沒有燒蝦乾...)





最好吃的燒蝦乾
在網上看了資料, 決定在蓮香酒家吃晚餐.  六時半左右到達只有一枱食客.  我們看了一會餐牌便點了白灼蝦半斤, 清蒸海斑, 蝦醬蒸腩肉, 上湯浸魚肚, 大啤一枝, 白飯一個.  所有食物都好吃, 除了上湯浸魚肚, 沒什麼味道.  這餐吃了五百大元, 不便宜但可接受.


不好吃

蝦很鮮甜, 好吃

蝦醬鹹香, 送飯一流

是海捕的, 所以特別有魚味

晚飯後回酒店稍為休息及洗澡, 之後再出去碼頭及文物酒店拍夜景.  拍完回來吃茶菓當宵夜 (太肚餓忘記拍照...  )


11 comments:

supageti said...

有蝦醬蒸豬肉,一個白飯典夠呀?

Cat said...

蝦醬蒸豬肉........好耐無食添!
等我又整吓蝦醬蒸雞翼先。

largeheadboy said...

燒蝦乾又幾有趣喎~

ayclui said...

意粉: 唔夠o架, 不過D蝦醬唔鹹, 就咁食哂lu~

Cat: 我想買咗樽細嘅自己用~^^

大頭: 燒蝦乾勁得, 買咗包蝦乾自己燒~

l.minor said...

星期六我都入咗去一轉,居然唔係咁多人,另外影咗d貓貓相,重有食咗間無名嘅豆腐花魚旦嘅食肆,點知最正就係薑汁撞奶

ayclui said...

Minor: Day Trip 咋? 星期六竟然無旅行團? 間無名食店門口有無貝殼公仔賣? 係就同我食果間一樣~

l.minor said...

係呀,day trip咋,遲下搵個靚日子之去住

好似都有貝殼之類,對住澳門鳳城果間

naruto said...

呢間飯店我去左幾廿次都未食過㖭,但睇你點果D,我又真係唔啱食,hehe

ayclui said...

Minor: 係同一間啦,我無食薑汁撞奶,因為覺得義順嘅最好味,唔試其他,走寶lu~ 連蝦豬餅都無食,因為佢無開門...

大叔: 你唔食海鮮咁喺大澳行過街市街時咪腥死你? 咁多海鮮喎~^^


TastylifeBuBu said...

燒蝦乾的確好味,不過而家大澳越開越多,都唔知邊間好食d

ayclui said...

TastylifeBuBu: 歡迎你呀~ 大澳小食真係好多, 要試齊哂有難度~