Wednesday, December 08, 2010

忙碌的一週

上週是忙碌的一週: 因為浴缸有漏水的問題, 蝦子餅終於"的"起心肝, 請了兩天假期留在家中等師傅來拆浴缸及改建一個企缸. 

漏水的浴缸
拆浴缸對我們來說可是一個不小的工程, 除了家裡變得沙塵滾滾, 白朦朦一片之外, 最要命的是那兩天我們不能在家洗澡!  幸好我們可以到屋苑的會所解決這問題 .

工程進行中
90%完成, 還要等待安裝浴屏
週末晚上我們去看了"荃加福祿壽"演唱會.  看演唱會前到灣仔的信得過吃豬什.  明知內臟是壞東西, 我們偏偏又忍不住要吃...這次吃了豬肝烏冬和豬什米粉.  豬肝軟滑好吃, 豬什就是樣樣都有一點.  大家不用擔心我們的膽固醇指數, 因為這店子在灣仔, 要過海才有得吃啦~


豬肝烏冬
豬什米粉
上次吃的- 名物豬肺湯
上次吃的-白灼豬心併豬肝
 Liza 姐跟"三隻o野" 又唱又跳了足足三個半小時, 娛樂性豐富, 一百五十元的演唱會門票真是超值.

王祖藍的表演, 蝦子餅說有點像天使魚(?)

10 comments:

naruto said...

咁凍,唔使沖啦(我真係好環保呀)

largeheadboy said...

點解唔 keep 住用浴缸呢?
間屋有乜問題真係好煩~

呢間信得過都想去試下啊!

maymay said...

諗起裝修都驚呀,
咁樣整要幾銀呀?

maymay said...

我間屋d地磚都開始有裂痕,攪到我好心煩~>_<

supageti said...

點解唔 keep 住用浴缸呢? x2

間中自製溫泉浴,幻想下泡湯都好嘛 ~~~~

naruto said...

to maymay:
唔好喺屋企跳繩

ayclui said...

大叔:
唔沖涼梗係唔OK 啦,環保都要講衛生嘛...

大頭:
唔 keep 浴缸啦, 住咗九年都無浸過一次...浸浴缸o屣水呀~
信得過真係信得過呀~ 去啦~

maymay:
諗起裝修都驚呀 --> 直頭目訓唔著添呀~ >.<
咁整一o野連裝浴屏盛惠九千大洋呀~
地磚都開始有裂痕...真係頭痕喎~

意粉:
就係我唔小心囉, 成日跌咗個花洒頭落浴缸, 整裂咗個缸面, 之後就滲水啦... :(
所以浴缸無得留低...

maymay said...

to nauuto:
我想跳樓

Rempei said...

請問師傅手工ok嗎?

ayclui said...

Rempei:

做企缸泥水果D師傅OK, 裝浴屏果兩個就係亞笨與亞占, 比佢地激死...早知唔駛佢地一條龍, 我自己去旺角買浴屏兼搵師傅裝呀>.<