Sunday, January 02, 2011

新一年的目標

2011年已經開始, 在這新一年我忽然間想給自己訂下兩個目標, 看看可不可以做到.

目標一: 在家儘量環保.  行動包括垃圾分類, 節省用電/水/煤氣, 不買沒有需要的東西.  三方面之中以垃圾分類最困難, 尤其是塑膠類, 因為每天可能只有一兩張包裝膠紙, 要儲很久才有一小袋塑膠垃圾.  通常在儲到一袋之前蝦子餅已經賞我臭臉...唉! 實行環保真的要有毅力啊...

目標二: 儘量不光顧大財團.  早前在電視看到一個有關"大店壟斷市場令小商店逐漸萎縮" 的節目, 介紹發起"一年唔幫襯大地產商" 的龐一鳴先生如何以實際行動拒絕光顧大集團, 全力支持小商店的事.  看完後我對他的行動很認同, 而且蝦子餅亦支持我響應龐先生的呼籲. 看過龐先生的網誌及其他資料後 , 我們便從日常生活開始響應: 例如早上不在便利店買報紙 (附近有傳統的報紙檔), 儘量不吃大XX, 轉去茶餐廳吃, 不光顧大型超市, 多去傳統的街市買食物, 在每次購物前想一下, 要買的東西可不可以在小商店買到...等等.  當然有些時候是迫不得已要在大財團的店子買東西, 不過如果我們都嘗試儘量多光顧小商店, 效果還是可以慢慢累積的.



訂下目標之後, 我希望可以在每個月底做一個總結, 以便監察自己有沒有堅持目標.

5 comments:

naruto said...

你D一年見標全部係生活架喎。。。

我都做緊唔幫趁大財團,喺西環原來OK做到架

好多小型餐廳/藥房/雜貨店/街市,唔去超市no problem

largeheadboy said...

唔幫襯大財團我都做緊
不過有啲野無計一定要搵佢地
努力呀大家都

supageti said...

其實我又無話專登唔幫襯大財團,以前我係專登去報紙檔買報紙,但發現佢地好多次無將贈品夾晌報紙度,夜晚番到屋企至發現,發生多次之後我認定佢地係故意扣起,所以至走左去幫襯 OK,人地起碼做野均均真真;我好想支持小商戶,但遇著唔爭氣既真係幫佢唔到。

l.minor said...

又係嘅,大財團壟斷哂,下次試下唔幫襯大財團!不過有時有d地方又真係好難唔幫襯,而且supageti又講得啱,小鋪成日扣起d野

ayclui said...

大叔:
你D一年目標全部係生活架喎--> 係呀, 唔係仲有咩目標呢? 讀書? 個書包飛咗去銀河系好多年囉...:P
大角咀呢區都OK可以唔幫趁大財團喎...

大頭:
儘量囉...好似今日咁我要買包"茗閒情"茶包, 都係要"焗"去百X買, 唉~

意粉:
咁我又未試過比人刻扣贈品喎...可能因為係蝦子餅買報紙...比人扣咗都唔知...:P

I.minor:
歡迎你呀~ 唔好等下次啦, 就聽日開始啦, 多D幫襯小店, 佢地先有機會生存啊...唔係第二時一街都係萬X, 屈XX, 百X, 7-X,OX就慘啦...