就如網上食評一樣, 侍應先送上一籃自家製麵包, 跟牛油和酸忌廉芝士. 自家製麵包有軟有硬, 塗上牛油很好吃, 酸忌廉芝士不是我們那杯茶, 所以差不多原封不動.
前菜是煙三文魚沙律, 沙律菜很新鮮, 三文魚味道剛剛好, 不會有太濃的煙燻味. 不過油醋下得太多, 吃到最底的沙律菜很濕很酸.
跟著是南瓜湯, 湯非常濃厚而且熱度夠, 但上面的沙樂美腸太鹹了, 愈飲愈不對勁.
主菜方面, 豬柳肉質嫩滑有彈性, 好吃; 魚柳亦煎得剛剛好, 脆脆的魚皮加上鮮味的魚肉, 本來應該是很好吃的, 可是這主菜跟餐湯有著同一個問題 - 太鹹了. 連伴菜都是十分鹹, 不知是因為廚師下鹽重手還是我們吃慣了清淡. 後來經理過來問我們意見時我們也直接告訴了他.
餐後甜品倒是取回不少分數, 除了賣相美, 味道也是一流: 奶凍又香又幼滑, 紅莓雪糕清新可口, 跟細切的生果粒一起吃, 滿分. 最後的餐飲(咖啡)質素也好, 香濃易入口, 好~
總括來說, 食物質素和服務態度都是上乘, 只是味道偏鹹, 若是可以調節一下便完美了.
(註: 相片是我用女朋友二號影的)
15 comments:
唔知星期六、日有無set lunch呢? 其實我住得都算幾近佢個度....
Rempei:
我咪就係星期六去食嘅囉~ 星期日休息o架~
不過記得要book 枱, walk in 通常都無位.
啲相 focus 好似爭左少少咁既？
個餐牌冇中文嘅？佢d客主要係鬼佬來架？
意粉:
蝦子餅話呢 D 叫做淺景深喎~ 我都朦查查...
maymay:
係呀, 冇中文o架, 好彩仲見到個pork字同fillet字囉...果日大部份係本地人, 我估唔多鬼佬去, 因為要預早幾日book 枱~
咁啱我禮拜五嚟咗呢度食 lunch，真係好唔錯，個主菜可以雙併架，最後杯珈琲仲好得添~
大頭:
乜咁啱嘅? 你果日menu 係咩呀? 有無好鹹呀?
佢地D service 真係幾得, waiter 高高瘦瘦又後生, 賣相幾好~ ^^
淺景深好呀，但點解好似D色帶左少少灰嘅，係auto mode定郁過D色呀？
大叔:
D 相係用內置嘅"食物 mode" 影嘅, 蝦子餅話呢個mode嘅白平衡偏灰喎, 佢仲測試緊部機...^^
係鱸魚同埋牛，湯就係蘿蔔湯，不過又唔覺得好鹹，絕對可以再去呀~
其實而家主廚仲係咪Ricky Cheung呢?好似見雜誌話佢去左灣仔第二間店....
我都列入考慮名單先～
酸忌廉芝士我會KO佢
大頭:
你就好啦, 我食果日真係好鹹~
Rempei:
主廚仲係咪Ricky Cheung...真係唔知, 果日唔覺佢喺度~
I.minor:
幾好o架, 價錢同質素成正比~
請問係咪灣仔嗰間呀?
星若:
歡迎您~ 係呀, 就係灣仔果間囉~
Post a Comment